Analarımız, nənələrimiz və ondan böyüklər örtünmək üçün nə bağlayıblar, nə geyiniblər? Ya kəlağayı, ya şal, ya da yaylıq bağlayar, dinə uyğun paltar geyinərdilər. Çadra taxan görmədim. Bunu bizə İran mollaları, vəhhabi və bu zümrədən olan islam düşmənləri soxuşdurub.

Kult.az xəbər verir ki, bu sözləri jurnalist Fikrət Fərəməzoğlu qeyd edib.

“Bu gün küçədə, bacada, məclisdə və sairə yerlərdə gördüyümüz qara parçadan çadra bağlayanlar bunu islamla əlaqələndirirlər. Bəli, Allah Qurani-Kərimdə aşkar şəkildə yazıb ki, örtünün. Bunu heç kim inkar edə bilməz. Lakin bu gün həmin qadınların geyindiyi, taxdığı geyimin islamla əlaqəsi yoxdur. Heç ərəb mədəniyyəti ilə də əlaqəli deyil. Azca araşdırsanız, görəcəksiz ki, bu geyim tərzi bizə Qərbdən ötürülüb. Daha doğrusu, özünü "islam alimi" hesab edənlər Qərbdən aldığı rüşvət müqabilində kilsə geyimini "çadra", "türban", "çarşab" adı ilə bizə sırıyıb. Ağlı başında olan islam alimləri belə bu geyim tərzini qəbul etmir.

Cənablar, kəlağayı elə qadının örtünməsi üçün icad edilib. Qədimdə analarımız, nənələrimiz və onların böyükləri kəlağayı bağlamaqla nə islamdan çıxıblar, nə dinsiz olublar, nə dini qaydaları pozub”ar", - deyə F.Fərəməzoğlu vurğulayıb.