Azərbaycan İncəsənət Məktəbinin təşəbbüsü, Azərbaycan Dövlət Neft və Sənaye Universitetinin nəzdində fəaliyyət göstərən Sənaye və Texnologiya Kollecinin təşkilatçılığı ilə 2 aprel - Ümumdünya Autizm və Məlumatlandırma gününə həsr olunan tədbir keçirilib.

Kult.az xəbər verir ki, kollecin direktoru, professor Nasim Abışov tədbiri açıb, daha sonra Milli Məclisin deputatı Hicran Hüseynova, şair Baba Vəziroğlu çıxış edib.

Çıxışların ardınca “Məni dinləyin” adlı monotamaşa nümayiş olunub. Bu səhnə əsərinin tərtibatında Heydər Əliyev Fondunun vitse-prezidenti Leyla Əliyevanın “Dünya yuxutək əriyir!” şeirlər toplusundan istifadə olunub. Tamaşanın ssenari müəllifi və quruluşçu rejissoru Fərid Bağırovdur.

Tədbirdə deputatlar Hikmət Babaoğlu, Vüqar Rəhimzadə, Elman Nəsirov, Pərvanə Vəliyeva, Günay Ağamalı, Azərbaycan Texniki Universitetinin prorektoru Rəşad Əliyev, YAP Nərimanov rayon təşkilatının sədri Elçin Quliyev, “Xocalı Soyqırımını Tanıtma” ictimai birliyinin Ağsaqqallar Şurası sədrinin müavini, “Vətənpərvərlər” ictimai birliyinin həmtəsisçisi, müharibə veteranı Çingiz Bayramov, “Vətənpərvərlər” ictimai birliyinin sədri xanım Aynur İsayeva və digər şəxslər iştirak edib.