"Biz işləyirik və bayramı qeyd etməyə ehtiyac duymuruq".

Bu sözləri bu gün su çərşənbəsini necə keçirəcəkləri ilə bağlı sualı cavablandırarkən Axar.az-a tanınmış müğənni Röya Ayxan dedi.

Röya Ayxan bayran günü olsa da, onlar üçün iş günü olduğunu bildirdi:

"Bu gün bayram günü olsa da, mənim və kollektivim üçün iş günüdür. Biz işləyirik və bayramı qeyd etməyə ehtiyac duymuruq".

Tanınmış toy müğənnisi Manaf Ağayev kefinin olmadığını bildirdi:

"Bacımın yoldaşı rəhmətə gedib. Bacım indi xəstəxanadadır, vəziyyəti yaxşı deyil. Bu səbəbə görə çərşəbəni qeyd etməyəcəyik".

"Bakılı oğlanlar" komandasının üzvü Bəhram Bağırzadənin də başı başqa işlərə qarışıb, bayramı qeyd etməyəcək.

Müğənni Günay İbrahimli su çərşənbəsini qeyd edənlər sırasındadır:

"Bu axşam toyum var. Toy bitdikdən sonra çərşənbəni yaxınlarımla öz evimdə təmtəraqlı şəkildə qeyd edəcəyik".

Aktyor Rəşad Kəsəmənli də bayram havasında deyil:

"Mənim üçün fərqi yoxdur, adi bir gündür. Qeyd etməyəcəm".