Röya Ayxanın "Səs Azərbaycan" layihəsində jürilərdən biri olacağı barədə məlumat bizə də çatıb.

Bu sözləri Röya Ayxanın prodüseri Kənan Bayramov müğənninin "Səs Azərbaycan" layihəsində münsif olacağı ilə bağlı yayılan xəbərlər haqda Axar.az-a danışarkən deyib. Onun sözlərinə görə, bu məlumat hələ rəsmiləşməyib:

"Müsabiqənin lisenziyası alınandan bəri bu söhbətlər gedir. Röya xanımın münsif kimi yarışmada iştirak etməsi ehtimaldır. Yəni ola bilsin ki, bu, baş tutsun. Ancaq hələlik heç bir rəsmi məlumat verə bilməyəcəyəm. Çünki bu iddia hələ ki, rəsmiləşməyib".

Xatırladaq ki, dünyanın 50-dən çox ölkəsinin ən nüfuzlu telekanallarında nümayiş olunan "Səs" ("The Voice") layihəsi ilk dəfədir Azərbaycan teleməkanında – AzTV-də keçiriləcək. Layihə üzrə seçim turlarına sənəd qəbulu artıq başlayıb.