Bakının işıqlı küçələrini sevirəm. Bütün Bakını, onun mərkəzini piyada gəzirəm.

Axar.az Musavat.com-a istinadla bildirir ki, bu sözləri bir neçə gün öncə Bakıda konsert verən məşhur türkiyəli müğənni Rafət Əl Roman aparıcı Emin Müsəvi ilə söhbətləşərkən deyib.

Sənətçi Bakını, Xəzər dənizini, Azərbaycan musiqisini çox sevdiyini qeyd edib:

"Mənim üçün bir nömrəli ifaçı Rəşid Behbudovdur. Bir də Aygün Kazımovanın səsini bəyənirəm. Röyanı da sevirəm, səhnə də paylaşmışıq. Buranın özünəməxsus rəqslərini, musiqisini bəyənirəm. Burada 6/8 ritminə heyranam. Hərdən musiqiçilərimə deyirəm ki, bunu siz də edin. Amma bacarmırlar, bir yerdən sonra dayanırlar. Sizin musiqiçilər bunu necə edir? Xəzər dənizini, “asetirin” (nərə) balığını çox sevirəm.

Burada bilmirlər. Bəzən gecə yarısı papağımı başıma taxıb, bütün şəhəri gəzirəm".