Günümü sevdiklərimlə, ailəm və rəfiqələrimlə keçirdim. Əslində, bu günü evdə keçirəcəyimi planlaşdırdığım halda Aygün Kazımovanın konsert verəcəyini eşidər-eşitməz ailəmlə konsertdə olmaq qərarı verdik. Divayla gözəl gecə keçirdik.

Axar.az xəbər verir ki, bu sözləri aktrisa Pərvin Abıyeva İnstaqram hesabında yazıb:

"Soruşsanız ki, 2021-ci il mənim üçün necə keçdi? Deyərdim ki, çox sakit, məhsuldar və uğurlu. Özümü daha dərindən anlamağa başladım, nə istədiyimi daha yaxşı görə bildim, psixologiya haqda çoxlu kitablar oxudum. Özümü təkmilləşdirdim və dəyişdim. Əvvəlki Pərvindən əsər qalmadı. Əlbəttə, bunun üçün mənə ilham verən insanlar var. Onlar yaxşı ki, var və mən onları sevirəm".