Artıq-əskik şərh yazanı "qara siyahı"ya atacam.

Axar.az xəbər verir ki, bu sözləri müğənni Nadir Qafarzadə xalq artisti İlhamə Quliyeva ilə bağlı rəsmi İnstaqram səhifəsində yazıb. O, İlhamə xanıma haqq qazandırdığını bildirib:

"Azərbaycan mədəniyyətində və incəsənətində öz dəsti-xətti olan, ölkənin xalq artisti, "Şöhrət" və "Şərəf" ordenli böyük sənətkar İlhamə Quliyeva! Siz dahisiniz, mənim sənətkarım. Sizin sənətinizi görüb, həzm etməyənlər mədəniyyətdən kənar adamlardır. İllərin sənətkarı... Vaxt gələcək sizin nə böyüklükdə sənətkar olmağınızı bir daha anlayacaqlar. "Sağlığında qiymət verin insanlara", – deyirdi Cabir Novruz.

Artıq-əskik şərh yazanı "qara siyahı"ya atacam. Mənim səhifəmdə paylaşılan hər kəsin şəklinə hörmətlə yanaşın. Kimin nəsə xoşuna gəlmirsə, səhifəmi tərk edə bilər. Hər kəs İlhamə Quliyeva ola bilməz. Elə sənətkarlar var ki, onlar əvəzolunmazdır. Guya hamı mələkdir, idealdır və səhvsizdir? Hər kəs etdiyi savab və günaha görə özü cavab verəcək. Biz Allah deyilik. Allahlıq iddiasına düşmək fikriniz olmasın".