"Qardaşım mənim" filmində müğənni Murad Boz və aktyor Burak Özçivitlə tərəf müqabili olan türkiyəli aktrisa Əsli Ənvər Leonardo Di Kaprionun pərəstişkarı imiş.

Axar.az xəbər verir ki, aktrisa bu barədə Nizami Kino Mərkəzində keçirilən filmin təqdimat mərasimindəki çıxışında deyib.

"Xarici rejissorlardan hansının filmində rol almaq istəyərdiniz" sualına cavab verən aktrisa bu barədə heç bir fikri olmadığını, amma hazırda Oskar mükafatının ən iddialı namizədi, Hollivud aktyoru Leonardo Di Kaprionun heyranı olduğunu dilə gətirib.

Xatırladaq ki, dünən Nizami Kino Mərkəzində Türkiyə istehsalı olan "Qardaşım mənim" filminin Azərbaycan tamaşaçıları üçün təqdimat mərasimi olub. Gecədə filmin əsas qəhrəmanları Burak Özçivit və Əsli Ənvər iştirak etsə də, Murad Boz işləri ilə əlaqədar olaraq ölkəmizə gələ bilməyib.