Doğrusu, Kleopatra adı yeni çıxıb.

Axar.az xəbər verir ki, bu sözləri əməkdar artist Mətanət İsgəndərli "Belə yaxşıdır" verilişində özünə Kleopatra adı verməsi haqda danışıb. O, yanlış anlaşıldığını bildirib:

"El qızı adını sənətdə külüng çalaraq qazanmışam. Kleopatra adı yeni çıxıb. Teatrda Əlabbas Qədirovun xatirə gecəsində idim. Orada jurnalistlərdən birinin sualına cavab olaraq, "Kleopatra rolunu oynamaq istəyərəm", - deyə fikir bildirdim. Bu, sadəcə bir arzu idi, dilə gətirdim. Ondan sonra söhbət uzandı. Amma "el qızı"nı bu ada dəyişmərəm".

Qeyd edək ki, əməkdar artist Mətanət İsgəndərli bir müddət əvvəl verilişlərin birində ona bəzən Kleopatra deyildiyini bildirmişdi.