Məşhur ingilis rok qrupu “Status Quo”nun gitaristi və mahnı mətnlərinin müəllifi Rik Parfit 68 yaşında vəfat edib.

Axar.az xəbər verir ki, Parfitin ağır infeksiyaya yoluxduğu və İspaniyanın Marbella şəhərindəki xəstəxanada həyatını itirdiyi bildirilib.

Parfitin meneceri Simon Porter onun ölümünü rəsmi olaraq təsdiqləyib.

Qeyd edək ki, 1948-ci il təvəllüdlü Parfit Frankis Rossi, Alan Lankaster, Con Coglan və Roy Layns ilə 1967-ci ildə “Status Quo”nu qurub. Qrup "Bütün dünyada rok", "Sən nə istəsən" kimi mahnıları ilə böyük uğur əldə edib.