Dünya İrs Komitəsinin Bakıda keçirilən 43-cü sessiyası öz işini davam etdirir.

Kult.az xəbər verir ki, Mədəniyyət naziri Əbülfəs Qarayev bu gecə 88 yaşında dünyasını dəyişən məşhur braziliyalı musiqiçi Joao Jilbertonun xatirəsinin bir dəqiqəlik sukutla yad edilməsini təklif edib. O qeyd edib ki, Joao Gilbertonun ölümü bütün bəşəriyyət üçün böyük itkidir:

“Joao Gilberto populyar musiqi üslubu olan bossa-novanın yaradıcılarından biri idi. Biz onun ölümünü böyük itki kimi qəbul edirik”.

Bundan sonra Joao Jilbertonun xatirəsi bir dəqiqəlik sükutla yad edilib.

Braziliya nümayəndə heyətinin rəhbəri çıxış edərək, Joao Gilbertonun özünəməxsus musiqi üslubunun olduğunu bildirib:

“O, bütün dünyada tanınırdı. Joao Gilberto bizim üçün böyük ədəbiyyat, incəsənət irsi qoyub gedir. Cənab sədr, biz Joao Gilbertonun xatirəsinin yad edilməsinə dair təşəbbüsünüzü yüksək qiymətləndiririk”.