Ana səhifə Kult Musiqi |
Noyabrın 18-də saat 20:00-da YARAT Müasir İncəsənət Mərkəzində canlı musiqi axşamı keçiriləcək.
Axar.az xəbər verir ki, ABŞ-ın Azərbaycandakı səfirliyinin sponsorluğu ilə hazırlan tədbirdə Qabriel Stravellinin (Gabrielle Stravelli) caz qrupu çıxış edəcək. Konsertə giriş sərbəstdir.
Azərbaycanda olarkən Qabriel Stravelli və onun qrupu müxtəlif açıq konsertlər verəcək və yerli musiqiçilər üçün ustad dərsləri keçəcəklər. Qabriel Stravellinin Azərbaycanda keçirilən bütün konsert proqramları pulsuzdur və geniş ictimaiyyət üçün açıqdır.
Qabriel Stravelli və onun qrupu ABŞ-ın Dövlət Departamentinin Amerika Musiqisinin xaricdə təbliği proqramı çərçivəsində Azərbaycana ilk dəfədir səfər edir. Sözügedən proqram tanınmış Amerika musiqiçilərinin digər ölkələrə səfərini nəzərdə tutaraq mədəniyyət sahəsində anlayışı və əməkdaşlığı inkişaf etdirir.
Tarix
2015.11.17 / 01:45
|
Müəllif
Nilufər Muğantürk
|