Putin hərbi cinayətkardır. Yəqin ki, bizim dövrümüzün ən ağır hərbi cinayətkarıdır və bunu geniş miqyasda görürük.

Axar.az xəbər verir ki, bunu Almaniya kansleri Fridrix Merz “Sat.1” telekanalına müsahibəsində bildirib.

Kanslerin sözlərinə görə, Almaniya və ümumilikdə Avropa hərbi cinayətkarlarla necə davranmalı olduğunu qəti şəkildə anlamalıdır.

“Burada heç bir güzəştdən söhbət gedə bilməz”, – o əlavə edib.

Merz həmçinin Rusiyanı Almaniya infrastrukturuna mütəmadi hücumlar təşkil etməkdə və ictimai rəyi manipulyasiya etməyə çalışmaqda ittiham edib. Onun sözlərinə görə, Putin nə NATO-dan, nə də beynəlxalq müqavilələrdən çəkinir.