İsveçli ekofəal Qreta Tunberqin Qəzzaya humanitar yardım aparan gəmisi Aralıq dənizində PUA hücumuna məruz qalıb.

Axar.az xəbər verir ki, bu barədə “Röyters” məlumat yayıb.

Məlumata görə, Tunis sahillərində “Family Boat” gəmisi PUA hücumuna məruz qalıb və nəticədə gəmidə yanğın baş verib.

“Göyərtədə altı nəfər olub, onların heç biri xəsarət almayıb, lakin yanğın əsas göyərtə və anbar sahələrinə ziyan vurub”, - məlumatda qeyd olunub.

Qeyd edək ki, bu, Qreta Tunberqin Qəzzaya yardım adı altında ikinci səfəridir. Bu ilin iyun ayında da onun olduğu “Madlen” gəmisi Qəzza sahillərində İsrail Sahil Mühafizə Xidməti tərəfindən saxlanılmışdı.