Krasnoyarsk və Stavropol diyarlarında yəhudilərin dini obyektlərinə terror hücumlarının qarşısı alınıb.

Axar.az xəbər verir ki, bu barədə Rusiya Təhlükəsizlik Xidmətinin İctimaiyyətlə Əlaqələr Mərkəzi məlumat yayıb.

“Rusiyada qadağan olunmuş beynəlxalq terror təşkilatının tərəfdarları tərəfindən Krasnoyarsk və Stavropol diyarlarında yəhudilərin dini obyektlərinə planlaşdırılan terror aktlarının qarşısı alınıb. Terror aktları Fələstin-İsrail münaqişəsində əziyyət çəkən Fələstin vətəndaşlarının maraqlarını qorumaq bəhanəsi ilə planlaşdırılıb. Lakin istintaq müəyyən edib ki, cinayətkarların əsl məqsədi 2023-cü ilin oktyabrında Dağıstanda antisemitizm nümayişləri kimi Rusiyada etnik ədavəti qızışdırmaq və kütləvi iğtişaşlar törətmək olub”, - məlumatda deyilib.