Əgər Brüssel vizanı dayandırmaq qərarı versə, bunun məsuliyyəti onların üzərində olacaq.

Axar.az Report-a istinadən xəbər verir ki, bunu Gürcüstanın xarici işlər naziri Maka Boçorişvili Avropa Birliyi ilə viza liberallaşdırılmasının mümkün dayandırılması ətrafında gedən müzakirələrə münasibət bildirərkən deyib.

Nazir Brüsselin belə addım atacağı təqdirdə, bunun birbaşa Avropa tərəfinin siyasi qərarı olacağını bildirib:

"Əgər Brüssel gürcü xalqını demokratiyaya görə cəzalandırmaq üçün bu çətin qərarı qəbul etsə, bu, tamamilə Brüsselin məsuliyyəti olacaq. Ümid edirəm ki, bu yanaşma üstünlük təşkil etməyəcək".

Nazir əlavə edib ki, Avropaya inteqrasiya illərdir Gürcüstanla münasibətlərdə siyasi alətə çevrilib.