Cenevrədə Ukrayna nümayəndə heyəti ilə ABŞ, Almaniya, Fransa və Böyük Britaniya nümayəndə heyəti arasında keçirilən görüşlər çərçivəsində müharibənin dayandırılmasına dair birgə sənəd razılaşdırılır.

Axar.az xəbər verir ki, bunu Ukrayna Milli Təhlükəsizlik və Müdafiə Şurasının katibi, Cenevrə danışıqlarında Ukrayna nümayəndə heyətinin üzvü Rüstəm Umerov deyib.

O bildirib ki, yeni versiya artıq Ukraynanın əksər narahatlıqlarını əks etdirir:

"Sənədin hazırkı variantı təsdiqlənmənin son mərhələsində olsa da, artıq Ukraynanın əsas prioritetlərinin əksəriyyətini əks etdirir".

Umerov qeyd edib ki, Ukrayna ABŞ ilə konstruktiv qarşılıqlı əlaqəni və Ukraynanın narahat olduğu məqamlara diqqətli münasibətini yüksək qiymətləndirir:

"Bu, bizə əməkdaşlıq prosesində irəliləməyə imkan verir".