20:51

İstanbul boğazının çıxışından 52 dəniz mili uzaqlıqda “Kairos” adlı kimyəvi məhsullar daşıyan tankerdə partlayış baş verib.

Axar.az xəbər verir ki, bu barədə Türkiyə mediası məlumat yayıb.

Bildirilib ki, partlayış gəminin mühərrik hissəsində olub. Gəminin batma təhlükəsi olduğu deyilir.

Hadisə nəticəsində ekipaj üzvlərindən bir neçə nəfər yaralanıb.

Əraziyə Türkiyə Sahil Təhlükəsizliyi Xidmətinin gəmisi və bir kater yollanıb.

***

Qambiya bayrağı altında Novorossiyskə gedən tankerdə yanğın dəniz minasının partlayışı nəticəsində baş verə bilər.

Bu barədə “HaberDenizde.com” məlumat yayıb.

***

Qara dənizdə “Virat” adlı daha bir gəmi sahildən 35 mil uzaqlıqda dron hücumuna məruz qalıb, hadisə yerinə xilasedicilər yollanıb.

Bu barədə Türkiyənin Nəqliyyat və İnfrastruktur Nazirliyinin Gəmiçilik Baş İdarəsinin məlumatında deyilir.

Gəmidəki 20 nəfərlik ekipaj heyətinin vəziyyətinin qənaətbəxş olduğu deyilir.