Ukrayna Təhlükəsizlik Xidmətinin “Sea Baby” tipli dəniz dronları Qara dənizdə Rusiya Federasiyasının “kölgə donanması”na məxsus “Kairos” və “Virat” adlı sanksiya altındakı 2 neft tankerini vurub.

Axar.az xəbər verir ki, bu barədə UNİAN-a xüsusi xidmət orqanlarındakı mənbələr məlumat verib.

Bildirilib ki, əməliyyat Ukrayna Təhlükəsizlik Xidmətinin Hərbi Əks-kəşfiyyatının 13-cü Baş İdarəsi ilə Ukrayna Hərbi Dəniz Qüvvələrinin birgə işidir.

Mənbənin sözlərinə görə, gəmilərə qarşı modernləşdirilmiş “Sea Baby” dəniz dronları uğurla tətbiq edilib. Bu dronlar uzun məsafələri qət etmək imkanına malikdir və gücləndirilmiş döyüş başlıqları ilə təchiz olunub.