Xəzər Boru Kəməri Konsorsiumu (XBKK) infrastrukturuna hücum beynəlxalq hüquqla qorunan mülki obyektə qarşı üçüncü təcavüz aktıdır.

Axar.az xəbər verir ki, bu barədə Qazaxıstan Xarici İşlər Nazirliyinin bəyanatında qeyd olunub.

Nazirlik Xəzər Boru Kəməri Konsorsiumunun qlobal enerji sisteminin sabitliyinin qorunmasındakı rolunu vurğulayıb:

"Bu hadisəni Qazaxıstan Respublikası ilə Ukrayna arasında ikitərəfli münasibətlərə zərər verən akt kimi qiymətləndiririk və Ukrayna tərəfinin bu cür hadisələrin təkrarlanmasının qarşısını almaq üçün konkret tədbirlər görməsini gözləyirik".

Qeyd edək ki, Xəzər Boru Kəməri Konsorsiumu (CPC) sisteminin dəniz terminalı noyabrın 29-i səhər saatlarında Ukrayna pilotsuz katerlərin hücumu nəticəsində zədələnmişdi.