Ləyaqətli sülhə nail olmaq üçün atılacaq addımları müzakirə etmək məqsədilə ABŞ-da Ukrayna nümayəndə heyəti ilə Ağ Ev arasında görüş başlayıb.

Axar.az xəbər verir ki, bu barədə Ukrayna Milli Təhlükəsizlik və Müdafiə Şurasının katibi məlumat verib.

“Danışıqlar zamanı Ukrayna nümayəndə heyətinin prioritetləri aşağıdakılardır:

- Konstruktiv dialoq;

- Cenevrədə əldə edilən irəliləyiş əsasında danışıqların irəliləməsi;

- Ukrayna maraqlarının qorunması”, - Umerov bildirib.

Qeyd edək ki, Ukrayna nümayəndə heyəti ilə görüşdə ABŞ Dövlət katibi Marko Rubio, Prezidentin xüsusi nümayəndəsi Stiv Uitkoff və Donald Trampın kürəkəni Cared Kuşnerin iştirak edəcəyi bildirilmişdi.