Vaşinqton hesab edir ki, Ukraynadakı münaqişənin həlli onun suverenliyi və müstəqilliyi üçün təminatlarla nəticələnməlidir.

Axar.az xəbər verir ki, bunu ABŞ Dövlət katibi Marko Rubio Vaşinqtonun Florida ştatında Ukrayna nümayəndə heyəti ilə görüşün əvvəlində deyib.

"Biz təkcə Cenevrədə (23 noyabrda Cenevrədə ABŞ-Ukrayna məsləhətləşmələri - red.) əldə etdiyimiz irəliləyişlərlə deyil, həm də həftə ərzində əldə edilmiş irəliləyişə də əsaslanaraq çox vacib işi davam etdirəcəyik.

Məqsəd, təbii ki, təkcə müharibəni bitirmək deyil. Bu, şübhəsiz ki, əsas məqamdır. Vaşinqton münaqişə bitəndə elə bir mexanizm yaradılmasını istəyir ki, Ukrayna müstəqil və suveren olsun, bir daha heç vaxt müharibə vəziyyətinə düşməsin və xalqını rifahla təmin etsin", - o bildirib.