Nüfuzlu “Taym” jurnalı aktyor Leonardo Di Kaprionu "İlin sənətçisi" elan edib.

Axar.az xəbər verir ki, bu barədə nəşrin rəsmi saytında məlumat verilib.

Qeyd edilir ki, Leonardo Di Kaprio çoxlarının həsəd aparacağı bir karyera qurub.

Xüsusilə, məqalənin müəllifləri xatırladırlar ki, onun 1993-cü ildə çəkilmiş "Bu oğlanın həyatı" filmində göstərdiyi performansına çoxları hələ də inana bilmir.

Məqalə müəllifləri həmçinin Leonardonun simasını "dünyanın görməkdən heç vaxt bezmədiyi" kimi qeyd edirlər.

2025-ci ildə Di Kaprio Pol Tomas Andersonun "Döyüşdən sonra döyüş" filmində rol alıb və bu film tənqidçilər və tamaşaçılar tərəfindən dünya miqyasında hitə çevrilib.