Kiberhücum və dezinformasiya kampaniyaları ilə əlaqədar olaraq Rusiyanın Berlindəki səfiri Sergey Neçayev Almaniya Xarici İşlər Nazirliyinə çağırılıb.

Axar.az xəbər verir ki, bu barədə Almaniya Xarici İşlər Nazirliyinin nümayəndəsi Berlində keçirilən brifinqdə deyib.

“Bu səhər Rusiya səfirini Almaniya Xarici İşlər Nazirliyinə çağırdıq və Rusiyanın hərəkətlərini çox yaxından izlədiyimizi, onlara qarşı tədbirlər gördüyümüzü açıq şəkildə bildirdik. Rusiyanın qəbuledilməz hərəkətlərinin nəticələri olacaq”, - məlumatda deyilib.

Bildirilib ki, 2024-cü ilin avqust ayında Almaniyada parlament seçkisindən altı ay əvvəl baş verən kiberhücum “Fancy Bear” haker qrupu tərəfindən təşkil edilib və buna görə Rusiya hərbi kəşfiyyat xidməti məsuliyyət daşıyır.