Avropa Parlamentinin deputatları Avropa Birliyi Şurası ilə razılaşdırılmış Rusiya qazının alışının tədricən dayandırılması haqqında sazişi təsdiqləyiblər.

Axar.az xəbər verir ki, bu barədə Strasburqda həmməruzəçilər İnes Vaydere və Villa Niinistyo məlumat veriblər.

Qeyd olunub ki, plenar iclasda 500 nəfər razılaşmanın qəbul edilməsinin tərəfdarı olub, 120 deputat sənədin əleyhinə səs verib, 36 nəfər isə bitərəf qalıb.

Niinistyo bildirib ki, bu qərar sanksiyalardan daha güclüdür, çünki söhbət qanunvericiliyin möhkəmləndirilməsindən gedir. Macarıstan və Slovakiya isə ən geci 2026-cı ilin oktyabrın sonuna qədər Rusiyadan qaz idxalını dayandırmalıdırlar.