Avropa ölkələri Rusiya ilə birbaşa danışa bilməlidir.

Axar.az xəbər verir ki, bunu Fransanın xarici işlər naziri Jan-Noel Barro "Libération" qəzetinə verdiyi müsahibədə bildirib.

"Hazırda Ukraynanın əsas maliyyə və hərbi dəstəkçiləri olan avropalılar məsuliyyəti başqasına ötürmədən öz maraqlarını müdafiə etmək üçün ünsiyyət kanalına malik olmalıdırlar", - deyə XİN rəhbəri bildirib.

Barronun sözlərinə görə, Fransa heç vaxt Rusiya ilə dialoqun mümkünlüyünü istisna etməyib.

Lakin o hesab edir ki, belə dialoq Ukrayna və onun Avropa tərəfdaşları üçün faydalı və şəffaf olması şərti ilə aparılmalıdır.