Bizim Suriya torpaqlarında gözümüz yoxdur. Bu bölgədə suriyalılar yaşayacaq.

Axar.az xəbər verir ki, bunu Türkiyə Baş naziri Binəli Yıldırım Suriyanın Cerablus şəhərində həyata keçirilən "Fərat qalxanı" adlı hərbi əməliyyata münasibət bildirərkən deyib.

"Bizim əsas məqsədimiz YPG-PYD qüvvələrinin bu torpaqları işğal etməsinin qarşısını almaqdır. Suriyalı müxaliflər Cerablusa gəldilər və oradakı kənd və qəsəbələrə nəzarət etməyə başladılar. Cerablus da daxil olmaqla, bütün ərazilərin YPG və PYD-dən təmizlənməsi lazımdır. ABŞ ilə razılaşmamız budur ki, PYD-nin çayın şərqinə doğru keçməsi lazımdır. Bu həyata keçənə qədər əməliyyatlarımız davam edəcək", - Yıldırım bildirib.