Bu gün Rusiya qüvvələri Ukraynanın Vinnitsa şəhərinə irimiqyaslı PUA hücumu həyata keçirib. Hücum nəticəsində bir nəfər ölüb, 11 nəfər yaralanıb.

Axar.az xəbər verir ki, bunu Vinnitsanın meri Sergey Morqunov deyib.

"Vinnitsaya kütləvi hücum nəticəsində 59 yaşlı kişi həlak olub. Daha 11 nəfər xəsarət alıb, onlardan 6-sı xəstəxanaya yerləşdirilib, 5-nə tibbi yardım göstərilib və ambulator müalicəyə göndərilib. İndiyədək doqquz fərdi evə ziyan dəydiyi, üç əhəmiyyətli dağıntıların olduğu məlumdur. Bundan başqa, partlayış dalğası nəticəsində iki çoxmərtəbəli binada dağıntılar qeydə alınıb. Ehtiyac yaranarsa, insanlar mehmanxanalarda müvəqqəti yerlə təmin olunacaqlar", - o bildirib.

Qeyd edək ki, bu gün Rusiya sərhəddən təxminən 700-800 km uzaqlıqdakı Lvov şəhərinə PUA zərbəsi endirib.