Hizbullahın Baş katibi Naim Qasım Livandakı münaqişəyə son qoymaq üçün üç əsas şərti açıqlayıb.

Axar.az xəbər verir ki, o, bu şərtlərin hələ 2024-cü ilin noyabr ayında imzalanan atəşkəs zamanı razılaşdırıldığını xatırladıb.

Hizbullah İsrailin təcavüzünə tamamilə son qoyulmasını, ordunun Livan ərazisindən dərhal çıxarılmasını, həmçinin əsirlərin azad edilməsini və məcburi köçkünlərin geri qaytarılmasını tələb edir.

Qasım vurğulayıb ki, əgər İsrail Livana hücum etməyə və ərazini işğal etməyə davam edərsə, Hizbullah müqavimət göstərəcək:

"Müqavimət gizli və metodik şəkildə özünü bərpa edib və mümkün olduqca düşmən əsgərlərini əsir götürəcəyik".