İranın uzun illər boyu davam edən təzyiq və hədələrinə o qədər alışmışıq ki, bu artıq Körfəzdə siyasi mənzərənin bir hissəsinə çevrilib. Boş dostluq bəyanatları ilə etibar tamamilə itib.

Axar.az xəbər verir ki, bunu BƏƏ prezidentinin diplomatik müşaviri Ənvər Qarqaş özünün X səhifəsində yazıb.

“Hörmüz boğazına nəzarət etmək və ya BƏƏ-nin dəniz suverenliyinə müdaxilə etmək cəhdləri sadəcə puç xəyallardan ibarətdir.

Ərəb qonşuluğu ilə birgə yaşamaq istəyən hər kəs anlamalıdır ki, etibar itib və onu bərpa etmək şüarlarla deyil, məsuliyyətli dil, suverenliyə hörmət və yaxşı qonşuluq prinsiplərinə səmimi bağlılıqla mümkündür”, - o qeyd edib.