Bu gün avrozonaya daxil olmayan Avropa Birliyi ölkələrinin nümayəndələrinin Varşavada görüşü olacaq.

Axar.az xəbər verir ki, bunu jurnalistlərə açıqlamasında Polşa Xarici İşlər nazirinin müavini Konrad Şimanski söyləyib. Onun sözlərinə görə, görüşdə Polşa, Danimarka, Çexiya, Xorvatiya, Rumıniya, İsveç, Bolqarıstan və Macarıstanın xarici və maliyyə nazirləri iştirak edəcəklər:

"Breksit avrozona ölkələri və bura daxil olmayan ölkələr arasında qüvvələr balansının dəyişməsi deməkdir. Biz AB-də reformaları dəstəkləyirik, amma buna rəğmən, bazarın bütövlüyünü qoruyub saxlamaq istəyirik. Polşa Breksitdən sonra avrozonaya daxil olmayan ən böyük ölkədir".