ABŞ-da Respublikaçılar Partiyasından prezidentliyə namizəd Donald Tramp İsrailin Baş naziri Binyamin Netanyahu ilə görüşüb.

Axar.az xəbər verir ki, Manhetten şəhərində yerləşən "Tramp Tauer"də baş tutan görüşdə amerikalı siyasətçi Netanyahuya sensassiya sayıla biləcək söz verib.

Tramp prezident seçiləcəyi halda Qüds şəhərini İsrailin paytaxtı kimi tanıyacağını deyib. Ayrıca o, paytaxt Tel-Əvivdəki ABŞ səfirliyinin Qüdsə köçürüləcəyini deyib

"Qüds yəhudi xaqlının 3 min illik əbədi paytaxtıdır. Prezident seçilsəm, Konqresin uzun illər öncə qəbul etdiyi Qüdsün İsrailin bölünməmiş paytaxtı olaraq tanıma qərarını qəbul edəcəyəm".

Görüşdə İran ilə əldə olunan nüvə anlaşması, İŞİD-lə mübarizə və digər məsələlər müzakirə olunub.