ABŞ Prezidenti Donald Tramp Kubada Venesuela ssenarisinə bənzər əməliyyatın mümkünlüyünü istisna etməyib.

Axar.az xəbər verir ki, Tramp bu barədə “Axios” nəşrinə müsahibəsində danışıb.

Kubada belə bir əməliyyatın mümkün olub-olmaması ilə bağlı suala cavabında o, “bu, mümkündür” deyib.

ABŞ Prezidenti qeyd edib ki, Kuba və Venesuela ABŞ-a İranla müqayisədə daha yaxındır. Onun sözlərinə görə, İrana uçuş uzun müddət tələb etdiyi halda, Venesuela nisbətən yaxın, Kuba isə ABŞ sahillərindən qısa məsafədə yerləşir.

Tramp həmçinin Dövlət katibi Marko Rubionun Kuba siyasətinin formalaşdırılmasında fəal rol oynadığını vurğulayıb.