ABŞ Silahlı Qüvvələri heç vaxt indiki qədər güclü və qüdrətli olmayıb. Heç bir ölkə bizim bacardıqlarımızı bacarmır (buna heç yaxın da deyil!). Bu il də planlaşdırılan vaxtdan aylar əvvəl hərbi xidmətə qəbul üzrə yeni tarixi rekordlara imza atdıq.

Axar.az xəbər verir ki, bunu ABŞ Prezidenti Donald Tramp özünün “Truth Social” səhifəsində yazıb.

“Orduda mənəvi ruh yüksəkliyi heç vaxt indiki qədər yüksək olmayıb. ABŞ-ın müstəqilliyinin 250 illiyinə həsr olunmuş bayram tədbirlərində ordumuzun misilsiz gücü bütün əzəməti ilə nümayiş etdirildi və ölkəmiz kimi, Hərbi Departament də heç vaxt indiki qədər güclü vəziyyətdə olmayıb.

Biz bunu bu şəkildə qoruyub saxlamalıyıq. Məhz buna görə də Konqres fəaliyyətini bərpa etdikdən sonra müdafiə xərcləri üçün 350 milyard ABŞ dolları nəzərdə tutan “Uzlaşma 3.0” qanun paketini, eləcə də “Amerikanı Xilas Et Aktı” layihəsini qəbul etməliyik”, - o qeyd edib.