Moskvada Ukrayna hərbi kəşfiyyatının əməkdaşı polkovnik Roman Suşenko Rusiya Federal Təhlükəsizlik Xidməti tərəfindən yaxalanıb.

Axar.az xəbər verir ki, bu barədə informasiyanı Rusiya Federal Təhlükəsizlik Xidməti yayıb.

Suşenko Rusiya Hərbi Qüvvələri haqqında məlumat yığmaqda günahlandırılır. FSB ukraynalı xəfiyyənin topladığı məlumatların ölkənin müdafiə qabiliyyətinə ziyan vura biləcəyini söyləyib.

Hazırda Suşenkoya qarşı casusluq maddəsi ilə cinayət işi qaldırılıb.

Ukrayna tərəfi rəsmi Moskvanın iddialarını rədd edib. Rəsmi Kiyev xəfiyyə adı ilə saxlanılan şəxsin "Ukrinform" saytının müxbiri olduğunu və tezliklə onun həbsdən azad edilməsini tələb edib.