Qırğızıstan Prezidenti Almazbek Atambayev müalicədən sonra vətənə qayıdıb.

Axar.az xəbər verir ki, bu haqda məlumatı dövlət başçısının mətbuat xidməti yayıb.

A.Atambayev göstərdiyi dəstəyə görə Qırğızıstan xalqına təşəkkürünü bildirib:

"Hamınıza səmimi qəlbdən təşəkkür edirəm ki, düşdüyüm bu ağır vəziyyətdə məni və yaxınlarımı ürəkağrısıyla dəstəklədiniz. Belə günlərdə göstərilən dəstək – xüsusilə də səmimi qəlbdən edilən dualar çox dəyərlidir. Siz mənə xəstəliyə qalib gələ bilmək üçün güc və qüvvə verdiniz. Belə addımlar heç vaxt unudulmur. Özüm də, ailəm də sizə ürəkdən minnətdarıq".

Xatırladaq ki, Atambayev Türkiyədə və Rusiyada müalicə alıb. Prezidentin ürək xəstəliyi sentyabr ayının 19-da özünü büruzə verib.