Livan hökuməti işğala son qoymağı milli prioritet hesab edir. Biz hələ yolun başlanğıcındayıq, amma qətiyyətliyik.

Axar.az xəbər verir ki, bunu Livanın Baş naziri Nəvaf Salam ölkənin Zövtər əl-Qərbiyyə şəhərində yerləşən meydanda bayraq qaldırarkən bildirib.

“İsrail qoşunlarının ərazimizdən çıxarılmasını təmin etmək üçün bütün diplomatik səyləri səfərbər edəcəyik. Livan ordusu mülki şəxsləri qorumaq, həmçinin onların yerləşdirilməsi üçün dağıntıları təmizləmək üçün buradadır. Görülən bütün işlər əhalinin evlərinə və kəndlərinə təhlükəsiz qayıtmasına imkan verəcək”, - Salam qeyd edib.

Salamın fikrincə, xalqın öz torpaqlarına qayıtması Livanın birlik və suverenliyinin bərpasını simvolizə edir.