Böyük Britaniya, ABŞ və Norveç silahlı qüvvələri NATO-nun “Arktik keşikçi” missiyası çərçivəsində Yan Mayen adasında hərbi təlimlər keçirib.

Axar.az xəbər verir ki, bu barədə Böyük Britaniya Müdafiə Nazirliyi məlumat yayıb.

“Böyük Britaniya silahlı qüvvələri Norveç və ABŞ-dan olan müttəfiqləri ilə birlikdə Arktikadakı ucqar Yan Mayen adasına yerləşdirilib. Üçtərəfli əməliyyat “Arktik keşikçi” proqramının bir hissəsi olub”, – məlumatda bildirilib.

Təlimlər “Atlantic City” əməliyyatı çərçivəsində avqustun 26-dan sentyabrın 4-dək keçirilib. Təlimlər zamanı üç ölkənin Hərbi Hava Qüvvələri, Hərbi Dəniz Qüvvələri, xüsusi təyinatlı qüvvələri və dəniz piyadaları regionda fəaliyyətlərin əlaqələndirilməsi üçün müxtəlif sensor və kommunikasiya sistemlərindən istifadə edib.