ABŞ və Böyük Britaniya Aleppo ətrafındakı vəziyyətə görə Rusiya və Suriyaya əlavə iqtisadi sanksiya imkanlarını araşdırır.

Axar.az xəbər verir ki, bu haqda Böyük Britaniya XİN rəhbəri Boris Conson və ABŞ Dövlət katibi Con Kerri bəyan ediblər.

"Biz Əsədə, Rusiyaya və İrana qarşı təzyiqləri azaltmamalıyıq, əksinə, artırmalıyıq", - Londonda Suriya ilə bağlı çoxtərəfli görüşdən sonra mətbuat konfransında çıxış edən Conson belə deyib.

Conson qeyd edib ki, hazırda iqtisadi sanksiyalar barədə müzakirə aparılır: "Əsəd və Rusiya bu müharibədə qalib ola bilməz".

Qeyd edək ki, son günlər Aleppo ətrafında ağır döyüşlər gedir. ABŞ Rusiyanı müxalifətin mövqelərini bombalamaqda ittiham edir. Rusiya isə bu ittihamları rədd edərək, yalnız terrorçulara zərbə endirdiyini bildirir.