Türkiyə, Fələstin, Səudiyyə Ərəbistanı, Qətər və Pakistanın da daxil olduğu 19 ölkənin xarici işlər nazirləri Kolumbiyanın İsraildəki səfirliyini Təl-Əvivdən Qüdsə köçürməsini qətiyyətlə pisləyən bəyanat yayıblar.

Axar.az xəbər verir ki, bəyanatda qərarın BMT Təhlükəsizlik Şurasının qətnamələrinə zidd olduğu və ikidövlətli həll əsasında sülh səylərinə zərər verdiyi bildirilib.

Nazirlər Qüdsün hüquqi və tarixi statusunu dəyişdirməyə yönələn addımların beynəlxalq hüquq baxımından etibarsız olduğunu vurğulayıblar. Onlar Kolumbiya hökumətini qərarını yenidən nəzərdən keçirməyə və ləğv etməyə çağırıblar.

Bəyanatda həmçinin paytaxtı Şərqi Qüds olan müstəqil və suveren Fələstin dövlətinin yaradılmasının dəstəkləndiyi xatırladılıb.

Qeyd edək ki, Kolumbiya İsraildəki səfirliyini Təl-Əvivdən Qüdsə köçürüb. İsrail Qüdsü paytaxtı elan etsə də, beynəlxalq ictimaiyyətin əhəmiyyətli hissəsi şəhərin statusunu mübahisəli hesab edir və səfirliklərini Təl-Əvivdə saxlayır.