Ermənistanın yeni hökuməti Serj Sərkisyanın növbəti blefidir.

Axar.az xəbər verir ki, bunu Ermənistan mətbuatına açıqlamasında ölkənin keçmiş baş naziri Aram Sərkisyan söyləyib. Onun sözlərinə görə, yeni hökumət sadəcə, Serj Sərkisyanın avtoritar hakimiyyətinin ömrünü uzatmaq üçün nəzərdə tutulub:

"Hökumət anlayır ki, o, heç vaxt xalqın dəstəyindən yararlana bilməyəcək. Onlar hətta xaricdən də dəstəyi itirirlər. Avrasiya İttifaqında heç kim Sərkisyanla hesablaşmır və o məcburdur ki, ABŞ-a qaçıb, pul xahiş etsin. Bunu isə artıq neçənci dəfədir ki, antiamerika qətnamələrinə dəstək verəndən sonra edir".