Gürcüstanın şərqində yerləşən kəndlərin birində 14 və 18 yaşlı iki nəvə tir tüfəngi ilə 78 yaşlı Lili Kutateladze adlı nənələrini "güllələyib".

Axar.az xəbər verir ki, nəvələr hadisəni kameranın yaddaşına köçürərək sosial şəbəkələrdə paylaşıblar.

Videonun yayılmasından sonra hüquq-mühafizə orqanları hadisə ilə bağı istintaqa başlayıb. Lakin nənə verdiyi ifadəsində nəvələrinin onunla zarafat etdiyini bildirib.

"Onlar həmişə müxtəlif videolar çəkib. Niyə məhz hamının diqqəti bu videoya yönəlib? Ordakı tir silahıdır və doldurulmayıb. Nəvələrim Nona və Beka mənimlə zarafatlaşıb və o videonu çəkiblər. Mənə dedilər ki, "Nənə, sən öləndən sonra bu video xatirələrdə yaşayacaq", - nənə deyib.