Dedi ki, o sənədlər artaraq 4500 olub.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Almaniya kansleri Angela Merkellə görüşü barədə danışarkən deyib.

Onun sözlərinə görə, 4 min terrorçu barədə kəşfiyyat məlumatları verilsə də, Almaniya heç bir tədbir görməyib:

"Terrorçularla bağlı xanım kanslerə 4 min MİT sənədi verdim. 6 ay əvvəlki görüşümüzdə ondan sənədlərin aqibətini soruşdum. Dedi ki, o sənədlər artaraq 4500 olub. Gecikən ədalət, ədalət deyil. Avropa birlik olaraq PKK-nı terror təşkilatı elan etməsinə baxmayaraq, hazırda terrora qucaq açmaqdadır.

Təkcə 20 iyun 2015-ci ildən bu günə qədər PKK 787 hərbçini, 312 dinc sakini qətlə yetirib. Qarşıdurmalarda 4 mindən artıq əsgərimiz, 2 min dinc sakin yaralanıb. Təşkilata qarşı aparılan əməliyyatlar zamanı 5500 silah, 650 min güllə, 142 ton partlayıcı maddə, 15 minə yaxın bomba ələ keçirilib. Ey Qərb, bunları da eşit".