İran parlamenti narkotik maddələrin satışına görə tətbiq edilən ölüm hökmünün ləğvi barədə qanunu qəbul edib.

Axar.az xəbər verir ki, ölüm hökmünün uzunmüddətli həbslə əvəz edilməsi qərara alınıb. Bundan sonra məhkəmələr həbs edilən narkotik tacirlərini asılmaqla deyil, 30 il müddətə azadlıqdan məhrum etməklə cəzalandıracaqlar.

Xatırladaq ki, ölüm hökmünün mövcudluğuna baxmayaraq, narkotik maddələrin ticarəti ilə məşğul olanlara qarşı aparılan mübarizə o qədər də effektli olmayıb. Hər il minlərlə narkotik alverçisinin tutularaq asılmasına baxmayaraq, bu ticarətlə məşğul olanlar azalmayıb. Lakin narkotik alverçilərinin asılması insan hüquqlarını müdafiə edən beynəlxalq təşkilatların etirazına səbəb olur. Onlar bu cinayətə görə ölüm hökmünə məhkum olunmanı əsas tutaraq İranda insan hüquqlarının pozulduğunu iddia edirlər.