15:54

İstanbulda 1 May Əmək və Həmrəylik Günü münasibətilə keçirilən nümayişlər zamanı polislə iştirakçılar qarşıdurma baş verib.

Axar.az xəbər verir ki, bu barədə Türkiyə mətbuatı məlumat yayıb.

Məlumata görə, minlərlə nümayişçi Saraçhane parkına toplaşıb.

Polis Taksim meydanına yürüş etmək istəyən mitinq iştirakçılarına müdaxilə edib. Tərəflər arasında baş verən toqquşma nəticəsində çoxlu polis yaralanıb.

Qeyd edək ki, bu gün keçirilən nümayişlərdə CHP lideri Özgür Özəl və İstanbul bələdiyyə sədri Əkrəm İmamoğlu da iştirak edib.

***

İstanbulda Taksim meydanına daxil olaraq polis əməkdaşlarına hücum etməyə cəhd edən 210 nəfər saxlanılıb.

Türkiyənin daxili işlər naziri Əli Yerliqaya X hesabında bildirib.