Parisin simvolu sayılan Eyfel qülləsinin pilləkənləri hərracda satılıb.

Axar.az xəbər verir ki, 1983-cü ildə sökülən pilləkənlər 523 min 800 avroya öz alıcısını tapıb.

Pilləkənlərə telefon vasitəsi ilə qiymət təklif edən şəxsin asiyalı olduğu bildirilib.

Nərdivanlara qoyulan qiymət 20 min avrodan başlayıb və təxminən 40 min avroya satılması gözlənilirdi.

Qeyd edək ki, Fransanın ən hündür binası olan Eyfel qülləsi 1880-ci ildə fransız mühəndis Custav Eyfel tərəfindən tikilib. 324 metr hündürlüyündəki qüllə 1930-cu ildə Nyu Yorkun "Kraysler" binasının inşasına qədər 41 il ərzində dünyanın ən hündür tikilisi adını qoruyub. Eyfel qülləsinin sökülmüş başqa 19 pilləsi 2013-cü ildə 220 min avroya satılmışdı.