İŞİD Yaxın Şərqdə öz mövqelərini itirir.

Axar.az xəbər verir ki, bu sözlər Avropa Polis Agentliyinin (Avropol) hesabatında yer alıb. Avropol İŞİD-in artıq Avropada öz taktikasını dəyişdiyini bildirib. Hesabatda terror təşkilatı hələ də köhnə qitəyə əsas təhdidlərdən biri olaraq təqdim edilir:

“İŞİD-in fikrincə, 2015-2016-cı illərdə Belçika və Fransada törədilən teraktlar uğurlu və effektiv idilər. Terror təşkilatı hələ də Avropada təkbaşına və ya qrup şəklində teraktlar törətmək qabiliyyətindədir. Terakt təhlükəsi təkcə Belçika və Fransaya yox, ABŞ-ın rəhbərliyi altında İŞİD-lə mübarizə üçün yaradılan koalisiyaya üzv olan bütün ölkələrə aiddir. İŞİD-in Yaxın Şərqdə zəifləməsi islamçıların öz yurdlarına dönməsinə səbəb olacaq ki, bu da böyük təhdiddir. Avropa üçün təkcə İŞİD yox, Əl Qaidə və Nüsrə Cəbhəsi təşkilatları da təhdid yaradır”.