Rusiya Prezidenti Vladimir Putin Krımda hərbi hissələrdə Rusiya bayrağı dalğalandıqdan sonra bölgədəki Ukraynaya məxsus silah-sursatın hamısının Kiyev rəhbərliyinə təhvil verilməsini istəyib.

"Axar.az" xəbər verir ki, Rusiya Müdafiə naziri Sergey Şoyqu açıqlamasında Putinin Krımda olan hərbi vəsaitlərin rus ordusuna götürülməməsini və Ukraynaya göndərilməsini tələb etdiyini bildirib.

Sergey Şoyqu həmçinin Ukraynaya məxsus bütün hərbi birliklərin Krımı tərk etdiyini və bu ölkəyə məxsus simvollara qarşı hər hansı hörmətsizliyin edilmədiyini deyib.

Ukraynadan verilən məlumatlara görə isə Krımda təxminən 10 milyard dollarlıq silah-sursat var.