Qara dənizdə qəzaya uğrayan təyyarədə "Həkim Liza" adı ilə tanınan Yelizaveta Qlinka da olub.

Axar.az xəbər verir ki, öz sahəsi üzrə böyük nüfuza malik olan Qlinka bir müddət öncə də Rusiya Prezidenti Vladimir Putin tərəfindən ordenlə də təltif edilib.

Qlinka uzun müddət "Ədalətli Yardım" beynəlxalq ictimai fondunda icraçı direktor olub və xəstə uşaqlara, müharibə əlillərinə daima dəstək verib.

Qeyd edək ki, Qara dənizdə sahildən 6 kilometrlik məsafədə Tu-154 təyyarəsinin qalıqları və ölənlərdən bəzilərinin meyiti tapılıb. Təyyarədə 9 jurnalist, Rusiya Müdafiə Nazirliyinin "Aleksandrov" adlı mahnı-rəqs ansamblının 64 üzvü, 8 əsgər, 2 federal hökumət üzvü olub. Jurnalistlər Rusiyanın Birinci kanalının və “Zvezda” telekanalının əməkdaşlarıdır. Təyyarə Rusiyanın Soçi şəhərindən Suriyaya səfər edirdi.

Rusiya İstintaq Komitəsi baş vermiş təyyarə qəzası ilə bağlı cinayət işi açıb.