Ana səhifə Planet |
Tu-154 təyyarəsində qəzaya düşməzdən əvvəl partlayış olub.
Axar.az xəbər verir ki, bu sözləri öz Feysbuk səhifəsində rusiyalı hərbi ekspert Vadim Lukaşeviç yazıb. Ekspert təyyarənin düşmə anını əks etdirən videonu paylaşaraq buradakı görüntülərin onu belə düşünməyə vadar etdiyini bildirib.
V.Lukaşeviç videoda əks olunan atəşin üfüqün üzərində olduğunu və bununla rəsmi versiyada pilotların səhvi versiyasının aradan qalxdığını iddia edib.
“Qəzaya səbəb olan ikinci rəsmi versiya texniki xətadır. Bu zaman ağla yalnız yanacaq çənində baş verən partlayış gəlir. Lakin bu partlayışı az öncə yanacaq doldurulmuş maşında kənardan məcburi müdaxilə olmadan törətmək mümkünsüzdür” – deyə, o bildirib.
Qeyd edək ki, artıq Rusiya Federal Təhlükəsizlik Xidməti də məsələ ilə bağlı açıqlama yayıb. FSB Tu-154-ün terror aktı nəticəsində partladılması versiyasını inkar edib. Kəşfiyyat dörd versiya üzərində dayanır ki, bunlar da texniki səbəblərlə bağlıdır.
Tu-154 təyyarəsi dekabrın 25-də qəzaya düşüb. Nəticədə 92 nəfər həlak olub.
Tarix
2016.12.26 / 16:25
|
Müəllif
İlkin Həsənov
|